Selebrasyon nga Eco-Friendly

Sangka kasal nga ginhiwat sa Sta. Catalina, Negros Oriental ang nangin viral tungod sa mga kagamitan kag preparasyon nga gingamit sa okasyon.

Sa mga imahe, makita nga ang gin-gamit nga hapin sa lamesa amo ang mga ginrara nga dahon ukon karay kang niyog, ang panit ka saging amo ang ginhimo nga pinggan, ang dahon kang saging ang ginhimo nga hapin kag gin-gurut nga kawayan ang mga baso nga irimnan.


Ang mga ginhanda sa nasambitan nga kasal mga nanari-sari man nga pagkaon nga himo sa kararuton, mga ibos, bingka, prutas kag mga gin-ihaw nga mga sinagudan nga kasapatan kag ang irimnon amo ang butung ka niyog nga kulabuon.

Makita man nga ang mga regalo sa bag-o lang nagtambi-palad amo ang mga nagkalain-lain nga taramnon pareho kang may tubo nga niyog, mga taramnun nga prutas kag mga laswa.

Ang mga "give-aways" o kon mga ginpanugro ka bag-o ginkasal sa mga bisita nga nagtambong amo ang langgaw nga nasulod sa botelya.

Other posts

• Community Fish Landing Center sa Brgy. Jinalinan, Padayon nga Ginaobra
• Sa Kada Takmu, Gugma
• Biktima kang Landslide, Nakabaton Suporta-Pinansyal
• Biktima kang Buhawi sa Sitio Villasis, Nakabaton kang Bulig Pinansyal
• Agosto 12, Gindeklarar kang Presidente nga Regular Holiday
• Panay FM Radio Stations
• Smoke-Free Task Force naghinun-anun para sa sangka Smoke-Free Bugasong
• VIRAL! Maestro, Ginsorpresa kang ana mga Estudyante.
• Mga Supporters ni Mayor John Lloyd Pacete, Nag-Prayer Rally
• Kasadyahan sa Tindahan