Sangka Ilongga, Nakasulod sa Top 10 kang PMA

Sangka Ilongga nga si Cadet 1st Class Marnel Dinihay Fundales nga taga-Guintas, Leganes, Iloilo ang nakasulod sa Top 10 kang Class MABALASIK o kon ang "Mandirigma ng Bayan, Iaalay ang Sarili, Lakas at Tapang, Para sa Kapayapaan" kang Philippine Military Academy kadya nga tuig.

Si Fundales ang nagpang-pito kag isara sa lima ka mga babayi sa mga napulo nga ginswerte kaimaw man sa kapin darwa ka gatos kag kan-uman kag tatlo nga makatapos sa pinakabantog nga military academy sa bilog nga Pilipinas.

Tana bata kang sangka soldado man nga si Master Sergeant Alfredo Fundales nga nakadestino sa Fort Bonifacio kag tana ang nangin inspirasyon kang bataon nga si Fundales.


Si Marnel Fundales ang nangin Valedictorian kauna sa Buntatala Elementary School kag With Honors sa Iloilo National High School dayon nagbuul kang Kurso nga Political Science sa University of the Philippines, Visayas. Sa kadya, tana ang nagaplano nga magasulod sa Philippine Air Force kang Armed Forces of the Philippines.

Sa madumduman, sangka Ilonggo man ang nakatapos bilang Class Valedictorian kang PMA Class ALAB-TALA katong nagligad nga 2018 nga amo si Cadet 1st Class Jaywardene Hontoria kang Pavia, Iloilo.

Other posts

• Community Fish Landing Center sa Brgy. Jinalinan, Padayon nga Ginaobra
• Sa Kada Takmu, Gugma
• Biktima kang Landslide, Nakabaton Suporta-Pinansyal
• Biktima kang Buhawi sa Sitio Villasis, Nakabaton kang Bulig Pinansyal
• Agosto 12, Gindeklarar kang Presidente nga Regular Holiday
• Panay FM Radio Stations
• Smoke-Free Task Force naghinun-anun para sa sangka Smoke-Free Bugasong
• VIRAL! Maestro, Ginsorpresa kang ana mga Estudyante.
• Mga Supporters ni Mayor John Lloyd Pacete, Nag-Prayer Rally
• Kasadyahan sa Tindahan