Pyesta ni Sr. San Juan de Sahagun

Ang Parokya ni Sr. Sto. Niño de Bugasong ang nagahiwat kang tuigan nga kapyestahan kang Patron kang Banwa nga si Sr. San Juan de Sahagun.

Ang Simbahan kang Romano Katoliko ang kauna napasad sa baybayon kang sa tulad kadya ginatawag nga Barangay Jinalinan kon sa diin si Sr. San Juan de Sahagun ang Patron kag ang Kura Paroko amo si Friar Felix Rioja, ang nahauna nga pari sa parokya sa banwa kang Bugasong.


Sa tulad, ang Pyesta gintalana sa ika-12 nga adlaw kang Hunyo sa kada tuig kag dya ang ginadugukan kang mga tumuloo.

Kadya nga tuig, dos mil diez y nueve (2019), ang kapyestahan ni Sr. San Juan de Sahagun ang ginsaulog paagi sa sangka misa nga ginpangunahan ni Fr. Joseph Baña, kaimaw kang miyembro kang team ministry nga sanday Fr. Martin Laurio, Fr. Hadjie Jungco, imaw man sanday Fr. Rex Marfil, Fr. Mark kag Fr. Alvin.

Pagkatapos kang misa, ang mga tumuloo ang nagtipon-tipon sa sangka handa nga ginpreparar kang mga Barangay Pastoral Council kag kang Parish Pastoral Council sa kabilugan kag gin-amutan man kang pira ka mga pumuluyo kang banwa kang Bugasong.

Other posts

• Community Fish Landing Center sa Brgy. Jinalinan, Padayon nga Ginaobra
• Sa Kada Takmu, Gugma
• Biktima kang Landslide, Nakabaton Suporta-Pinansyal
• Biktima kang Buhawi sa Sitio Villasis, Nakabaton kang Bulig Pinansyal
• Agosto 12, Gindeklarar kang Presidente nga Regular Holiday
• Panay FM Radio Stations
• Smoke-Free Task Force naghinun-anun para sa sangka Smoke-Free Bugasong
• VIRAL! Maestro, Ginsorpresa kang ana mga Estudyante.
• Mga Supporters ni Mayor John Lloyd Pacete, Nag-Prayer Rally
• Kasadyahan sa Tindahan