OKM Artists Live sa Barangay Paliwan

Pira ka mga sikat nga manugkanta kang Original Kinaray-a Music (OKM) ang nagpasundayag sa Barangay Paliwan.

Angut sa pagsaulog kang Barangay Paliwan kang anda kapyestahan sa pagpasidungug sa anda Patron nga si Nuestra Señora de los Remedios, ang mga Overseas Filipino Workers kang nasambit nga barangay sa nagkalain-lain nga lugar sa bilog nga kalibutan ang nagbuylog para sa paghiwat kang sangka kasadyahan nga amo ang OFW Night. Tanda ang nag-imbitar kanday Hon. Dante Beriong, Sammy Rubido kag ang tumanduk nga Bugasongnon nga si Mark Nietes Quintela kaimaw kang banda nga Tangke de Guera para sa pagpasadya kang anda mga kasimaryo kag mga bisita.


Ang nasambitan nga grupo ang naglingaw kang mga nagalantaw paagi sa pira ka mga orihinal nga musika sa Kinaray-a nga amo ang mga masunod: (I-Click ang mga tig-ulo kang kanta para mapamatian sa Youtube)

1. Antique, Antiqueño - Dante Beriong
2. Mananggite Live - Sammy Rubido
3. Pangabuhi sa Uma Live - Sammy Rubido
4. Daw sa Kanami Lang Live - Dante Beriong
5. Barangay kang Paliwan - Mark N. Quintela
6. Kamalig - Mark N. Quintela
7. Tricycle Driver - Sammy Rubido
8. Pamalaran - Sammy Rubido
9. Mauli Gid Ako sa Antique - Dante Beriong

Ang konsyerto kang tatlo ka manugkanta ang una nga pagtingub nanda sa entablado pagkatapos kang harus 20 anyos nga nagburublaganay ang anda grupo tungod sa anda personal nga mga kinahanglanon.

CLICK HERE TO SUBSCRIBE

Other posts

• Community Fish Landing Center sa Brgy. Jinalinan, Padayon nga Ginaobra
• Sa Kada Takmu, Gugma
• Biktima kang Landslide, Nakabaton Suporta-Pinansyal
• Biktima kang Buhawi sa Sitio Villasis, Nakabaton kang Bulig Pinansyal
• Agosto 12, Gindeklarar kang Presidente nga Regular Holiday
• Panay FM Radio Stations
• Smoke-Free Task Force naghinun-anun para sa sangka Smoke-Free Bugasong
• VIRAL! Maestro, Ginsorpresa kang ana mga Estudyante.
• Mga Supporters ni Mayor John Lloyd Pacete, Nag-Prayer Rally
• Kasadyahan sa Tindahan