Bugasong, Nakabaton kang Kadungganan kag Cash Grant

Bugasong, Nakabaton kang Kadungganan kag Cash Grant : Jessie A. Flores

Click images to ENLARGE

Ang banwa kang Bugasong ang nakabaton kang kadungganan kag dya ang ginbaton ni Acting Mayor Renante S. Dava.

Dya ang natigayon nga mabaton kang banwa kang Bugasong tungod sa pag-eskwela nanday Mayor John Lloyd M. Pacete, Local Government Operations Officer kang banwa nga si Mrs. Ma. Teresa Zenia B. Butiong kag ni Dr. Irma J. Adayon, Municipal Health Officer, sa Municipal Leadership and Governance Program (MLGP) Cycle 2 - Western Visayas kang Department of Health - University of the Philippines-Visayas and Zuellig Family Foundation (DOH-UPV-ZFF) sa sulod kang sangka tuig.

Click images to ENLARGE

Ang MLGP amo ang sangka-tuig nga programa nga ginapatigayon kang Department of Health para sa mga Mayors kag mga Municipal Health Officers sa bilog nga Western Visayas. Kag sa madumduman, nagsaka si Mayor John Lloyd M. Pacete sa entablado kaimaw ni Dr. Adayon kang nagligad nga Abril 23, 2019 sa pagpamatuod nga ana nakumpleto ang programa antes tana ang nasentensyahan kang Abril 26, 2019.

Click images to ENLARGE
Dugang pa, angut sa amo nga kadungganan, nag-abot si Dr. Mary Joy Castroverde, Develoment Management Officer kag MLGP Program Coordinator, kaimaw kang ana grupo, kag nagtugro kang trophy para sa banwa kang Bugasong kag tana ang nagkuon nga may "cash grant" man nga igatugro ang amo nga programa, sa balor nga P120,000.00 para pagagamiton sa mga proyekto kang LGU Bugasong.

Sa post ni Acting Mayor Renante S. Dava sa ana nga Facebook account, ang dya nga kadungganan nga gindara ni Mayor John Lloyd M. Pacete para sa banwa kang Bugasong ang himuon na nga inspirasyon para mag-obra kang husto samtang ang katawhan kang Bugasong ang nagahulat sa kahilwayan ni Mayor Pacete.

Bugasong, Nakabaton kang Kadungganan kag Cash Grant

Other posts